ابنا: دارالحکومت رياض مدينہ دمام اور البريدہ شہروں ميں سعودي باشندوں نے مظاہرے کرکے سياسي قيديوں کي فوري رہائي کا مطالبہ کيا - رياض ميں مظاہرين نے سياسي قيديوں سے اپني يکجہتي کا اظہار کرتے ہوئے ان سياسي کارکنوں کو جيلوں ميں بند رکھنے پر سعودي حکومت کے اقدام کي مذمت کي -مدينہ منورہ ميں بھي خواتين کي ايک بڑي تعداد نے احتجاجي مظاہرہ کرکے سياسي قيديوں کي رہائي تک اپنے مظاہرے جاري رکھنے کا اعلان کيا - دمام شہر کے عوام نے بھي سياسي قيديوں سے اظہار يکجہتي کے لئے ايک جلوس نکالا اور ان کي فوري رہائي کا مطالبہ کيا -دمام کے مظاہرين نے انساني حقوق کي عالمي تنظيموں سے مطالبہ کيا کہ وہ سعودي عرب کےسياسي قيديوں کي رہائي کے لئے سنجيدہ اقدام کريں - القصيم کے قريب البريدہ شہر ميں بھي لوگوں نے ايک بڑا مظاہرہ کرکے عام شہريوں پر سعودي عرب کي سيکورٹي فورس کے ظالمانہ اقدامات کي مذمت کي - مظاہرين نے مطالبہ کيا کہ سعودي وزير داخلہ محمد بن نائف پر بين الاقوامي عدالت ميں مقدمہ چلايا جائے -سعودي عرب کي انساني حقوق کي تنظيموں منجملہ حسم نامي انساني حقوق کي تنظيم نے اپنے بيان ميں کہا ہے کہ سعودي عرب کي جيلوں ميں تيس ہزار کے قريب سياسي کارکن بند ہيں جن کا جرم صرف يہ ہے کہ انہوں نے اپني رائے کا کھل کر اظہار کيا اور حکومت کي پاليسيوں پر تنقيد کي - رپورٹوں ميں کہا گيا ہے کہ ان ميں بيشتر قيدي ايسے ہيں جن پر کسي بھي طرح کا کوئي مقدمہ نہيں چلايا گيا ہے -
.......
/169
